Имони дил
Лоиқ Шералӣ
Ишқат имони дилам, қиблаи имони дилам,
Зулфи чун силсилаат силсилаҷунбони дилам.
“Санаме, санаме
Дара бикшо манаме”
То ба кай пушти дарат
Ҳалқа ба дар занаме.
Дара бикшову нигар ҳоли парешони дилам,
Таби сӯзони дилам, шуълаи печони дилам.
Санаме, санаме
Дара бикшо манаме.
То ба кай пушти дарат
Ҳалқа ба дар занаме.
Бе сари кӯи ту овораю сарсони дилам,
Бе сари зулфи ту як бесару сомони дилам.
Санаме, санаме
Дара бикшо манаме
То ба кай пушти дарат
Ҳалқа ба дар занаме.
1986
- Жанр
- Суруд
- Сол
- 1986 (тахминӣ)
Нашрҳо
- 2001Куллиёти ашъорсаҳ. 448
- 2006Девони дилсаҳ. 397
Эзоҳот
- Моли мардум.