Ту эй ягона умедам, умеди ман мебош

Ту эй ягона умедам, умеди ман мебош,

Гузораномаи роҳи сафеди ман мебош.

Тамоми умр агарчанд иди қисмат нест,

Ту ҳар дақиқаю ҳар лаҳза иди ман мебош.

Паёми рӯзи бад аз ҳар канор мешунавам

Биё, паямбари рӯзи саиди ман мебош.

Навиди бахт чу афсонаҳои тӯлонист,

Биё, зи бахти заминӣ паёми ман мебош.

Ба рағми ин ду-се мардони занмизоҷу заиф

Барои ошиқӣ Гурдофариди ман мебош!